Bessastaðir

Bessastaðir eru opinbert aðsetur og heimili forseta Íslands. Bessastaðir standa á Álftanesi, skammt frá höfuðborginni Reykjavík. Bessastaðastofa var upphaflega reist sem embættisbústaður Magnúsar Gíslasonar amtmanns á árunum 1761 til 1766 og er húsið eru meðal bygginga á Íslandi.

Elstu heimildir um örnefnið Bessastaði eru úr Íslendingasögu Sturlu Þórðarsonar en jörðin var þá í eigu Snorra Sturlusonar. Að Snorra látnum urðu Bessastaðir fyrsta jörðin á Íslandi í konungseign. Bessastaðir hafa hýst skóla og verið heimili fjölmargra en jörðin og húsin voru gefin Íslenska ríkinu árið 1941 sem bústaður ríkisstjóra og síðar forseta Íslands.