Gistiheimili Húsavíkur

Gistiheimili Húsavíkur er vinalegt gistihús við Laugarbrekku á Húsavík. Þar er boðið upp á sjö herbergi með uppábúnum rúmum og morgunverður fylgir með í verði gistingar. Frá gistiheimilinu er stuttur gangur að höfninni á Húsavík, sem er hjarta bæjarins yfir sumarmánuðina. Skammt frá gistiheimilinu er Sundlaug Húsavíkur og við enda götunnar eru verslun og bensínstöð. Gestir á Gistiheimili Húsavíkur hafa ókeypis aðgang að þráðlausu neti.

Gistiheimili Húsavíkur er á tveim hæðum og var húsið reist árið 1947. Húsið á sér langa sögu. Lengi tengdist húsið Flatey á Skjálfanda, en íbúar þess voru flestir þaðan. Húsið var heimili um áratuga skeið og síðar var það heimavist fyrir starfsfólk Hvalasafnsins á Húsavík, en það kemur víða að. Árið 2009 var byrjað að endurinnrétta húsið og var því breytt í gistiheimili sem opnaði sumarið 2010.

Nánar um Gistiheimili Húsavíkur

Sjá einnig:

• Hótel á Íslandi
• Húsavík

Also available in English: Húsavík Guesthouse