Flatey á Skjálfanda

Þessi grein er um Flatey á Skjálfanda. Sjá einnig Flatey á Breiðafirði

Flatey á Skjálfanda er stærsta eyjan á Skjálfandaflóa við Norðurstönd Íslands. Eyjan liggur aðeins um 2,5 kílómetra frá landi við Flateyjardal. Í Flatey er mikið fuglalíf og góð fiskimið allt í kringum eyjuna.

Flatey er paradís fyrir fuglaáhugafólk og ævintýri líkast að koma þangað á sumrin. Byggð er sunnan á eynni og auk íbúðarhúsa eru þar samkomuhús, skóli, viti og kirkja. Kirjan var flutt frá Brettingstöðum árið 1960 og sett upp í eyjunni.

Byggð í Flatey lagðist af árið 1967 en þá hafði verið samfelld byggð í Flatey frá 12. öld. Íbúar voru 120 þegar mest var upp úr 1940. Húsunum í eyjunni er flestum haldið við að afkomendum Flateyinga sem margir hverjir halda til í eyjunni yfir sumarmánuðina.

Ekki er boðið upp á gistingu í Flatey en hægt er að fara þangað sjóleiðina frá Húsavík og tekur slík sigling rúma klukkustund.

Sjá einnig:

• Húsavík
• Skjálfandi
• Flateyjardalur
• Flateyjarskagi
• Eyjar við Ísland

Also available in English: Flatey in Skjálfandi