Húsavík

Húsavík er vinsæll ferðamannabær sem stendur við Skjálfandaflóa á Norðurströnd Íslands. Á Húsavík búa um 2400 manns. Bærinn er hluti af bæjarfélaginu Norðurþingi, ásamt Öxarfjarðarhreppi, Raufarhafnarhreppi og Kelduneshreppi.

Húsavík er einn vinsælasti hvalaskoðunarstaður evrópu en þaðan sigla bátar á Skjálfandadflóa. Hvalaskoðun á Húsavík hófst árið 1995 þegar Norðursigling hóf að gera upp gamla eikarbáta og sigla með ferðafólk um flóann. Í kringum árið 2000 varð mikil aukning á ferðum þegar Gentle Giants hófu siglingar og Norðursigling jók við flota sinn.

Á Húsavík er myndarlegt héraðssafn þar sem meðal annars má sjá uppstoppaðan ísbjörn. Þá eru hvalasafn og sjóminjasafn á Húsavík. Mest umtal vekur þó sennilega Reðursafnið á Húsavík sem kemst reglulega í fréttir erlendra fjölmiðla.

Á Húsavík eru fjölbreyttir veitingastaðir og gott úrval gististaða.

Sjá einnig:

• Kaupstaðir á Íslandi
• Landafræði Íslands
• Gisting á Húsavík
• Söfn á Húsavík

Also available in English: Húsavík