Djúpavík

Djúpavík er lítið sjávarþorp sem stendur við botn Reykjarfjarðar á Ströndum, á Vestfjörðum. Djúpavík tilheyrir sveitarfélaginu Árneshreppi, en þorpið er frekar einangrað. Fyrir vikið fara margir þangað til að njóta ósnortinnar náttúru og tignarlegra fjalla.

Frá Djúpavík eru um 70 km til Hólmavíkur sem er næsta byggðarlag en 280 km eru til Ísafjarðar. Byggð á Djúpavík myndaðist snemma á síðustu öld en árið 1917 var þar sett upp stór síldarverstöð.

Á Djúpavík er rekið fallegt hótel sem nefnist Hótel Djúpavík og er í húsi sem áður hýsti konur sem unnu við síldarsöltun í þorpinu. Að Djúpavík liggur þjóðvegur 643 en þangað er einnig hægt að fljúga á flugvöllinn við Gjögur sem er skammt frá þorpinu.

Sjá einnig:

• Kaupstaðir á Íslandi
• Landafræði Íslands

Also available in English: Djúpavík